مقتطفات فضالى | نصائح مهمه لو خاطب او متجوز

بصوا ياشباب  وصحصحوا كده عشان الكلام ده مهم !! كنت سينجل او مخطوب او متجوز
انت وخطيبتك أو مراتك  كل شوية بتفكروا فى الانفصال وحاسين بإنكم مش لايقين على بعض ’ وبحر المشاعر خلاص جف وبقى صحراء ومشاكل مش بتخلص بينكم الخ
نعملوا ايه عشان نتخطى ده كله ,  وايه الاسباب اللى وصلتنا لكده !!
فى حاجة اسمها ياطيب " فقه إدارة الإزمات "  بالعامية كده   فى مصطلح فى الاكل بيقولك الصنايعى اللى يعرف يداوى مش اللى يعرف يصنع ’ ـمثلًا  اللبن  بتغليه وفجأة  قطع منك لو انتِ حافظة بس هترميه ولو انتِ فاهمة هتعملى منه جبنة وممكن تعملى بيه رز معمر وحاجات تانية كتير ’
مشكلتنا إن احنا مبنعرفش لما تحصل أزمة أو مشكلة نداويها أو نلاقى ليها علاج
ومعروف إن أولى خطوات البحث العلمى هى " الإحساس بالمشكلة "
ودى البداية اللى لازم تبقى فى علاقتكم  ’ إنكم تعرفوا إن الجواز مشروع  ممكن ينجح وممكن يفشل فتبدأوا تدوروا على عوامل النجاح وتتجنبوا أسباب الفشل وحتى لو فى خساير تبقى قليلة جدًا --- وبدل ما تقضوها حب وغراميات دوروا إزاى تلاقوا أساسيات البيت السعيد  واول حاجة لازم تفهموها
إن اى مشكلة بينكم سواء متجوزين أو مخطوبين لازم تبقى حبيسة الجدران ’ الخلاف كلما كان اطرافه أقل كلما أصبح حله سهل ’ واوعى يابنتى للحظة تروحى تحكى مشكلتك لإمك  , الستات العاطفة عندهم بتغلبهم وفى لحظة زعل ممكن تنسى عشرة سنين وتبقى اول اختيارتها الطلاق
عودوا نفسكم يكون بينكم إنتم الاتنين حب متبادل واوعوا للحظة تهينوا بعض قدام أى حد وخاصة الإهل ’ لإن ده بيسبب كسرة للإنسان صعب جبرها
مبدأ " عديلى وأعديلك " مينفعش نقف لبعض على الواحدة ومينفعش نعيش دور " حقى وحقك " الجواز فيه تضحية من الشخصين  والاصل إنه مبنى على الموة والرحمة مش التنازع والخصام وزى ما انت بتجيب أنا بجيب :))
اوعى يابنى تمنعها شىء بتحبه طالما مفيش فيه وجه معصية ’ اديها مساحة تتحرك فيها ومتحملهاش فوق طاقتها , فى حديث للنبى بيقول إن عائشة إذا هويت شىء أجابها إليه :))
كمان على البنت إنها تخلى زوجها يحس برجولته وتستأذنه حتى فى الحاجات البسيط ’ دى طبيعة فطرية فى الراجل بترضيه وبتخلى قلبه يلين  :))
ثقافة الاعتذار ياناس ’ متبقاش قلوبكم سودة انتم ربنا شبهكم بانكم مثل الثوب الواحد فوالله مش هتنقص من رجولتك حاجة لما تعتذر وانتِ كمان :))
عاوزكم تتخيلوا بعض كإمهات وإباء وليهم عيال فى نفس موقفكم ومشكلتكم وانتم الحكم فى الحل  وامشوا بالمبدأ ده ترتاحوا " والله لا يؤمن احدكم حتى يحب لإخيه ما يحبه لنفسه "
مين فى الدنيا دى كامل ,مفيش حد والله فاحنا نكمل الناقص اللى فينا مع بعض ’ بدل ما بتقولوا حسينا بالملل فى الخطوبة أو بعد الجواز دوروا جواكم وشوفوا ايه أسباب الملل !! هل هو طغيان المسئولية الوظيفية ؟؟؟ هل هو اختلاف الاهتمامات ؟؟  ايه التضحيات اللى قدمناها عشان الحب يعيش ويفضل ؟؟
خد الحديث ده فكرة " أحب الاعمال الى الله أدومها وإن قل " تعالى طبقه كده فى الزواج هتلاقى إن  التفاصيل الصغيرة هي التي تصنع الحب الكبير، عشان كده حاول كل يوم أن تفعل شيئًا صغيرًا ـ لكنه مستمر ـ يثبت أنك تحبها، وتهتم بها، وتقدر جهدها، رسالة على هاتفها تخبرها أنك تفكر فيها، شيكولاته تحبها تحضرها معك، اسألها في الهاتف عما تحتاجه وحاول ألا تنسى إحضاره،، رحلة مفاجئة، لا أظنك ستعجز عن اكتشاف أشياء بسيطة تسعدها، وبالله عليك متقوليش إن المشكلة فيها ,  اشتغل انت وهى هتحس ويبقى عندها دم
أحد الكُتاب بيقول " مشكلتنا أننا نظن أن الزواج امتلاك، وأن وجود الشريك معنا تحت سقف واحد يعني أن لا ضرائب إضافية وعلينا أن نجني الأرباح فقط، وهذا لن يحدث، بعض الجهد يا صاحبي، وقليل من الإبداع، وكثير من النية الصادقة سيفعل الكثير. :))
تقعدوا بالعافية ومتنساش الصلاة علي النبي  =D
##فضالى