مقتطفات فضالى | موقف السائق ونقيب الشرطة

فاكرين الورقة بتاعت " هل "  صليت على محمد اليوم  "  هحكيلكم موقف  حصل بسببها
فى سواق كان حاططها  النقيب بتاع الشرطة بيقول للسواق شيل اليافطة بتاعت ( الصلاه على النبى ) 
السواق قاله --لية يا باشا ؟! رد النقيب قالو: من غير لية. دا قانون يا إما تدفع 30 جنية 
قال : خلاص يا باشا هات الوصل بتاع ال 30 جنية--  المهم النقيب عمل وصل ’ والسواق اداله الفلوس  ومشلش اليافطة. فالنقيب بيقولو: علي فكرة لو انت راجع ولقيت اليافطة هدفعك 30 جنية تاني، أنا موريش غيرك النهارده --
راح السواق رادد: هحضرهم لحضرتك من دلوقتي !!
المهم الناس اللي في الميكروباص لقيتهم كلهم بيتكلموا مع بعض، ولقيت ست ورا بتقول حسبنا الله ونعم الوكيل فيكم. فالناس اتفقت إن كل واحد يدفع 2 جنيه علشان نجمع ال 30 جنيه للسواق ’  والناس بتدفع الفلوس للسواق حلف إنه ميخدش غير أجرته فقط’  وكان رده عجيب قال : يا جماعة أنا بشرب سجاير وبلا أزرق ومبصليش، سيبوني آخد ثواب مرة في حياتي. عايز أحس مرة إني مسلم، وممكن الحركة دي هي اللي تدخلني الجنة. !!
النبى صلى الله عليه وسلم قال " لا تحقرن من المعروف شىء ولو أن تلق أخاك بوجه طلق "يعنى مبتسم  كده  الواحد فينا فعلًا مش عارف ايه العمل اللى ممكن يكون سبب فى رضا ربنا عليه -- عشان كده مهما كنت بعيد عن ربنا اوعى تستصغر عمل الخير ولو بسيط  !!
واوعى تتخيل إن ذنبك أكبر من رحمة ربنا  وعفوه -- فهو من قال " إن الله يحب التوابين " عارف يعنى ايه التوابين  يعنى كثيري الذنوب جدًا لكن بعد كل ذنب بيتوب !!
كان فى واحد سكران مخمور شافه شيخ أخده معاه للمسجد فى صلاة الفجر الشيخ بقى يشده عشان يصلى دخله المسجد  الناس عرفت وهو داخل المسجد إنه سكران ,  ابتدوا يزعقوا مع الشيخ جامد وحرام ,  خده الشيخ تحت حنفية المياه وفضل يفوقه  وخلاه يتوضأ وبعدين وقفه فى الصف يصلى , كان بيسمع الآيات وبيعيط-- خلصوا صلاة وهو لسه ساجد بيهزوه لقووه مات   "   الخاتمة الحسنة  " الشيخ فضل يبكى والناس فى حالة ذهول !!
حبك لربنا وقربك منه مش عاوز طاعة كتير عاوز بس إخلاص  عاوزك بس تعرف إن ربنا بيقولك " من آتانى يمشى آتيته هرولا " علاقتنا بربنا قائمة على مبدأ قرآنى اسمه
  " يحبهم ويحبونه  "
الأعرابى كان فى سجوده بيقول لربنا " أنا أنا --وانت انت يارب " أنا صاحب الذنب وانت الرحيم الغفور " اوعى للحظة تتخيل إن ربنا كارهك إنه رافضك " ربنا وصف نفسه بإنه غفور ودود " وكل ما قربت ليه هتلاقيه بيقولك " وهو الذى يقبل التوبة عن عباده ويعفو عن السيئات "  وتأكد  إن البشر لن يجدوا أبر بهم ولا احن عليهم من الله عز وجل :))
##فضالى