طرق طبيعيه لعلاج ارتفاع ضغط الدم

ارتفاع ضغط الدم هو العامل الخطير الأكثر شيوعًا لأمراض القلب والشرايين، ما يؤثر على واحد من كل ثلاثة أشخاص. ولكن من خلال إجراء بعض التغييرات على نظامنا الغذائي وأسلوب حياتنا، يتأقلم جسمنا مع الضغط ونحدّ من مشاكل ارتفاعه. ننصحك بقراءة: إنخفاض ضغط الدم: أعراضه وعلاجاته

ويسعى الناس أكثر فأكثر في هذه الأيّام إلى العلاجات الطبيعية لارتفاع ضغط الدم، لذا نعرض إليك أهمّ هذه العلاجات لتحلّي هذه المشكلة بطرق طبيعية وصحية.

الثوم: هو يريح الأوعية الدموية ويخفّض ضغط الدم. يمكنك إضافة المزيد من الثوم إلى الطبخ أو تناول مكمّلات الثوم. الكالسيوم والمغنيسيوم: تمّ ربط نقص هذه المعادن بارتفاع ضغط الدم. تحتاج النساء يوميًا الى ألف ميللغرام من الكالسيوم، في حين يحتاج الرجل إلى 500.

فيتامين C: تبيّن أنّ هذا الفيتامين يساعد على خفض ضغط الدم لذا يُنح بتناول الأطعمة التي تحتوي على فيتامين c، مثل الفواكه الحمضية.

الفواكه والخضروات: أيضًا للفوكه والخضار دور في خفض مستوى ضغط الدم في الجسم. لذا يُنصح بتناول 8 إلى 10 حصص يوميًّا.

الأسماك: يُنصح بزيادة كمية الأسماك لأنها تساعد على خفض ضغط الدم، فيُنصح بتناول ما يزيد عن 3 حصص في الأسبوع. سمك السلمون والسردين هي خيارات جيدة لأنها تحتوي على نسب عالية من أحماض أوميغا 3 الدهنية.

المكسّرات والبذور والفاصوليا: يُنصح باستهلاك ما لا يقل عن 4 إلى 5 وجبات في الأسبوع. هي ممتازة من أجل علاج ضغط الدم المرتفع.

الرياضة: ممارسة التمارين الرياضية المعتدلة مثل المشي يمكن أن يساعد على خفض ضغط الدم. لذا جرّبي رياضة المشي 30 دقيقة يوميًّا، 3 مرّات في الأسبوع.

الاسترخاء: يجب أن تخصّصي وقتًا للاسترخاء، فهو جيد للضغط. يمكنك أن تمارسي اليوغا مثلاً، أو التأمّل، وأيضًا أن تتركي مكانًا للفرح والضحك.

يمكنك أيضًا قراءة:

من ترك شيئا لله عوضه الله خيرا منه

فى عيد الأضحى قبل الماضى كان عندى 33.000 متابع ، كتبت على صفحتى أنا عندى 33.000 متابع لو كل واحد عيد عليا بجنيه هتجوز  !!طبعا ساعتها كنت بهرج ومكانش فى بالى أى شىء ’ والشباب قعدوا يهزروا ’ لكن حصل حاجة غريبة !!
رسالة من رجل : إنت فعلا زواجك واقف على المبلغ ده ؟
- لا ، لكن المبلغ ده هيسرع حاجات كتير إن شا الله  !! بس  ليه ؟
- طيب إيه رأيك تدخل معايا جمعية ، وتقبض الأول ، وهتدفع كل شهر 500 جنيه ؟
فكرت كده شويه ، إيه العرض الغريب ده !! يا ترى ممكن يكون حقيقى !! ولإنى متعود إن أى حاجه سهله مشكوك فيها ، ولإن وراء كل نصاب طماع .. راجعت التفكير كويس لقيته بيكتب لى : إنت مش خسران حاجه هتقبض الأول وهتدفع براحتك كل شهر 500 جنيه !!
قلت له : مفيش مشكلة  ، إمتى نبدأ ( وكان جوايا شك رهيب ) قالى : أنا برة مصر ، ارجع خلال أيام إن شا الله ، سيبلي رقمك ارجع اكلمك ’ وعليها سيبتله الرقم !!
بعد خمس دقايق ، رساله تانيه من نفس الشخص : بقولك إيه !! مش عايز موبايل أجيبهولك قسط ، وهقسطهولك قسط مريح ، تدفع 50 جنيه كل شهر مع الجمعية ، واختار الموبايل اللى انت عايزه ، وممكن بالمره أجيبلك العطر اللى انت بتستخدمه ؟
( هنا زاد الشك شكين ، وبقى عندى شبه يقين إنها اشتغاله ) .. قلت له مفيش مشكلة
كان كل اللى مسيطر على تفكيرى ( بحسن الظن ) إن ده أخ حب يجوِّد من عنده ، أو حب يفرحنى ، لكن كالفقاعة مسيرها تفرقع .. بعد يومين من عدم المراسله ، دخلت أشوف الأخ لقيته عامل لى بلوك أو على أحسن تقدير قفل الأكونت !!  بدأت أتأكد بالنسبه لى إنها فقاعة .... بوم !! لكن بعد أربع أيام تليفوني رن بــ رقم غريب
- السلام عليكم .. مين !!
- وعليكم السلام استاذ مصطفى أنا فلان .. فاكرنى ؟ معلش كنت قافل الأكونت علشان ظروف السفر ، أنا الحمد لله وصلت مصر ، وأنا فى أليكس .. قاعد يومين هناك ، وإن شا الله هرجع البلد يوم الخميس .. تحب تجيلى أليكس ؟
مصدوم .. شوية تفكير .. عقلى واقف .. عاجز عن التصديق .. الهواجس تتلاشى ، لا لسه موجوده ، والخوف زى ما هو  ’ رديت بتلعثم : لا ياريت حضرتك اللى تشرفنا فى بيتى وأهو برده تعرف البيت والأهل علشان لو حصل لى حاجه حقك لا يضيع !! إيه رأيك ؟!
- مفيش مشكله .. شرف ليا .. خلاص إن شا الله يوم الخميس هاجى على القاهره اقابلك ، وبعدين اسافر بعدها بلدى !!
تمام .. تمام .. سلام
فكرت شويه ، طيب على إعتبار انها مش اشتغاله ، إيه اللى يخلينى أشحطط الراجل معايا ويجى من أليكس 250 كيلو على الأقل ، وبعدين يسافر لبلده حوالى 150 كيلو تانى .. ( صِعِب عليا )
اتصلت بنفس الرقم .. قلت له : انا صعبان عليا ان حضرتك تيجى ،، أنا هجيلك !!
- خلاص مفيش مشكلة ، بس خليها الاربع ، وتقضى معانا يوم الخميس !!
- إن شا الله
يوم الأربعاء ركبت العربية
والله ما وقفت فـ ولا إشاره واحده ، العربية ركبتها موقفتش غير عند كوبرى استانلى ، كان الطريق مُيسر بشكل عجيب ..  اتصلت بيه عند كارتة اسكندرية .. الرقم مغلق
بعد ربع ساعة .. الرقم مغلق ’ ( بدأ القلق يتسرب إلى نفسى مرة أخرى )
اتصلت تانى صوت حد نايم : سلام عليكم
- وعليكم السلام استاذنا .. أنا فى أليكس
- يا أهلا يا أهلا .. طيب أنا هقوم اروح البنك وأكلمك لما اخلص
- تمام .. تمام ... سلام
قبل كوبرى استانلى .. اتصلت وأبلغته إنى هاستنى بعد الكوبرى بشويه
ركنت العربيه ووقفت حوالى ثلث ساعه ما اتصلت فيها مرة إلا وألاقى الهاتف مغلق .. عاد القلق .. بدأت أقول لنفسى لو الأمر حقيقى .. ف أنا فيها ،، ولو غير كده  أدينى بتفسح
القلق .. توتر ..
بقى عندى شبه يقين إنها اشتغاله
هممت بالتحرك
الهاتف يرن
انت فين .. أنا داخل على استانلى
- انا بعد استانلى
ـ تمام إنت معاك عربيه إيه .. كروز .. أوك .. أنا منتظرك
ثم التقينا
كان معه شابين فى  سنى
قالهم : هو ده بقى مصطفى عبدالناصر اللى حكيتلكم عنه
بعد التعارف .. يلا بينا نروح نفطر
يلا بينا
لم يكن أيا منهم يحمل شيئا .. بدأت أتوتر .. كيف هو أتى يعطينى المال ، والرقم مش صغير علشان يحطه فى جيبه ، حتى لو كله من فئة المائتين .. انتابنى التوتر أكثر
بعد الأكل
هنروح الشقة ..
قلت لهم : اسبقونى انتم وأنا سألحق بكم ، هاقضى شيء هنا وألحق بكم سريعا ( كنت هاستخير ) لإن كم القلق اللى جوايا كان كبير ، رغم إن شكلهم لا يدعو للقلق
ثم لحقت بهم
اطلع الدور الـ 13
وأنا طالع الأسانسير بيوصل للـ 12 بس .. نزلت الدور الـ 12 فإذا بى أقابل أحد الشباب ، يقول لى : أستاذ فلان منتظرك فوق ..
القلق ما اصبح فقط رفيقا ، بل ممتزجا بالروح .. قلبى يخفق بشدة ولا أعلم إلى أين أنا ذاهب ولا ماذا سيحصل معى ..
قرعت الباب
فتح هذا الشخص الباب ..
استضافنى
قدم صنوف الفاكهة
ثم أحضر ظرفين كبيرين
( نسيت اقولكم ان كان من ظمن التعليقات على منشور قديم إنى كتبت انى وضعت من جيبى 12000 للتبرعات وأخت أخرى تساعد فى الأمر أيضا وضعت 10000 بسبب لخبطه حصلت لما المتبرعين اتفقوا يُرسلوا مال ، ولتعجل الحاله اعطيناهم المال من جيوبنا ثم تراجع المتبرعون .. كنت أذكر هذا التعليق ردا على أخ أثار هذا الأمر )
ناولنى الظرف الأول وقال : هذا به مبلغ 30000 المتفق عليهم
ثم ناولنى الظرف الثانى ، وقال : هذا به 22000 جنيه ، أنا أسد عنكما ما دفعتماه
وخيم الصمت
لا أفهم شيئا .. مخى تعطل لبرهة .. لما بدأت أفهم أقسمت بالله أن لا آخذ الـ 22000 فقد نذرناهم لله ..
ثم هنا جاءت الصدمة الكُبرى
قال : أما الـ 30000 فهذه هدية زواجك ، مفيش جمعية ولا شيء .. تقبلها هديه من أخيك الكبير ..
أنا لا أذكر ما حدث بعدها أصلا .. كل ما أذكره انه طردنى من البيت ، أو أخرجنى من حرجه ،، لا أذكر شيئا .. أذكر أنه تحدث إلى من خلف الباب وقال .. هذا رزق الله لك فلا ترده .. احنا مواسير بننقل رزق ربنا لبعض .. مسيرك هتبقى غنى وتسد فاقة شاب تانى ..
انصرفت
طيلة الطريق صدمة .. يرافقها بكاء .. ولسانى يقول ( إنت كريم أوى يارب )
..
لم تنته القصة بعد
هذا الرجل .. بعد أشهر قليلة
انقلبت السيارة بولديه ( شاب وفتاة )
مات الشاب ( ابنه ) ، وظلت الفتاة أياما قليلة فى العناية .. حتى فارقت الحياة أيضا ولحقت بأخيها
وهو لم ينجب سواهما
وهما فى زهرة العمر .. فالفتاة لم تتجاوز العشرين
والشاب تجاوزها بسنة
...
لم تنته القصة بعد
هذا الرجل راسلنى يريد كفالة أسرة معتقل أنا أعرفه جيدا .. لكن لا يريد كفالة مجرد كفالة ، بل يريد فتح مشروع برأس مال ،، ويكون مكسب المشروع منذور لله ، يدفع جزء منه لأهل هذا المعتقل ، والباقى يُقسم على المحتاجين كما أرى
اتفقنا على مشروع ، يتم تنفيذه الآن
البركة والخير والروعة فى الأمر إن شريك المشروع لما علم قصة الرجل ( قصة موت ولديه ) وأن الغرض من المشروع كفالة الفقراء ، تبرع بمكسبه كله أيضا ، فتضاعف المكسب حتى وصل لـ 12000 فى الشهر ، كلها منذورة لله
...
الأمة دى أمة رجال ، وبها من الخير ما يُعجز عداها
كل واحد فينا فيه خير ، ياريت نحاول نطلع الخير ده .. ياريت نحاول نتكسف شويه من أمثال الناس دى
ربنا يبارك له فى ماله ويخلف له فى أهله .. ويتقبل بنيه ، ويوسع له من الرزق ما يفتح له به أبواب رحمته  !!
كتبه مصطفي عبدالناصر

مقتطفات | قصة مترو العتبة

كان يوم عادي زي أي يوم في حياتي ولكن 5 دقايق مع الراجل ده كانت كفيلة تغيَّر نظرتي لحاجات كتير كنت شايفها غلط ..❤

كنت مستني مترو العتبة وأول ما جه دخلت وقعدت جنب الراجل ده .. باب المترو فضل مفتوح شوية راح دخلت أسرة ومعاهم ابنهم الصغير وبدون أدنى مقدمات وقبل ما الناس يقعدوا لقيت الراجل اللي جنبي قام راحلهم وفضل واقف يتكلم معاهم ويلاعب الطفل استغربت من الموقف جداً 😕 .. وفضلت اسأل نفسي :

•• ايه اللي خلى الراجل يقوم من مكانه والمترو بيمشي في حين الناس ما بتصدق تلاقي مكان فاضي ؟!
•• ايه اللي يخليه واقف على رجله أربع محطات وهو تاني ضهره أكتر ما باين في الصورة كمان عشان يتكلم مع ناس ما يعرفهمش ؟!

طبعاً مكونتش سامع بيقولهم ايه لأن صوت المترو كان عالي ولكن كل اللي شايفه إنه بيشرحلهم حاجة باهتمام شديد وأسرة الطفل بيهزوا راسهم بابتسامة استغراب وده خلى عندي فضول أعرف مين هو فاستنيت لحد ما هو نزل ونزلت وراه ودار الحوار كالآتي :') ..
= السلام عليكم حضرتك أنا مصطفى فتحي طالب ف طب الأزهر
- أهلاً وسهلاً " بحضرتك " !
= بعتذر عن فضولي ولكن أنا شوفت حضرتك واقف بتتكلم مع أسرة الطفل جوة وواضح إنك ما تعرفهمش وبتتكلم باهتمام شديد وعملت كدة مع أسرة كل طفل ركب المترو ! فبصراحة عندي فضول شديد أعرف كنت بتقولهم ايه ؟
- * بابتسامة خجولة تعتلي شفتاه * أبداً يا حبيبي أنا عملت اللي المفروض انت كمان تعمله من دلوقتي ! "")
= مش فاهم !
- بما إنك هتبقى دكتور فلازم تاخد بالك من كل حاجة حواليك وعقلك يبقى حساس من ناحية أي شيء ممكن يسبب مرض لحد أو ضرر جسدي ليه
= هو حضرتك دكتور ؟
- أيوة أنا دكتور أمراض قلب ❤ ... في المستشفى بيجيلنا حالات تصلب وانسداد في الشرايين نتيجة ارتفاع الكوليسترول وترسيبه على هيئة دهون فبيسد الشرايين وكل ما نسلك واحد نلاقي واحد تاني اتسد وده من ايه ؟ .. ما هو من البيبسي ! .. ولما شوفت أسرة الطفل داخلة من الباب وجايبين كانز بيبسي للولد افتكرت كل اللي بشوفه بسببه فمجرد تخيلي إن الولد ده ممكن يعاني بسببه في المستقبل كان كفيل إني أقف وانصحهم وكفيل يخليني أنصح أي حد ماشي في الشارع عشان مش عايز اشوفه زي اللي بشوفهم قدامي في المستشفى العسكري ( بدون ذكر اسمها )

أنا مُقدِّر إنهم عايزين يفرحوه بأي حاجة لكن ما يعرفوش إن البيبسي بيعمل مية على الرئة ميعرفوش إنه بيسبب الروماتويد وهشاشة العظام وآلالم في المفاصل والسمنة وتسوس الأسنان ! ... ميعرفوش إنه بيزود ضربات القلب أكتر من المعتاد وبيعمل ارتفاع في ضغط الدم والسكر ! .. ميعرفوش انه بيكون سبب كبير في سوء الهضم والصداع والإضطرابات العصبية .. يبني احنا زمان كنا بنستخدمه عشان نشيل الصدأ من على حتة حديدة عشان ننضف بيه البطاريات أو عشان ينضف الغسيل اللي فيه بقع زيت ونادراً ما نشربه .. دلوقتي الناس بقت بتشربه يومياً والترويج ليه زاد عن طريق إعلانات معظمها فيها أطفال وكله ماشي معصوب العينين مش عارف حاجة ! ..

كونك طالب طب ف"متعة العطاء " بتبدأ من وقت دخولك الكلية مش بعد التخرج بس ..  أي حاجة تعرفها انصح بيها الناس أيا ً كان لونهم أو دينهم أو جنسيتهم لأن اللي بتشوفه قدامك واللي بيهمك تعرفه " ده مريض ايه ؟ " وبس ملكش دعوة بحاجة غير كدة وعليك إنك تعالجه

أنا شوفت مرضى قدامي بيتألموا وبتتأجلهم عمليات عشان اضطرابات في الجسم كان سببها كانز البيبسي اللي كانت في إيد الطفل دي .. فالموضوع بالنسبالي مش شوية بيبسي الموضوع بالنسبالي حياة إنسان ولكن " يا ليت قومي يعلمون " محدش بيدور ايه أضرار الحاجة اللي بيشربها وبيديها لأولاده ليل نهار هو كبر لقى كله بيشربها فقال أما أشرب أنا كمان !

يبني انت هتبقى دكتور .. مش وظيفتك تداوي مرض الناس وبس انت وظيفتك كمان توعيهم من الأول عشان ما يمرضوش أصلا واوعى تستصغر سبب يؤدي للمرض وتقول مش مشكلة وعديها ...  ما هو ممكن ما يكونش البيبسي هو السبب الوحيد في حدوث المرض ولكن يكفى إنه مجرد " سبب " !
كان نفسي المترو ما يمشيش والله وكنت بتمنى أفضل معاه أسمع منه طول اليوم ولكن ! ''( ...

حقيقي كنت مستمتع جداً بكلامه وفضل يحكيلي عن عمليات ال open heart اللي عملها وأدق تفاصيلها لدرجة إني حبيت تخصص القلب بسببه ❤ ... الأبطال مش بس اللي بيظهروا في الأفلام ولا اللي بيطلعوا ع الشاشات  انت ممكن تكون بطل وسوبر هيرو في مجالك والشهرة مش شرط عشان تكون قدوة لغيرك .. مقابلتي للدكتور أكتر مثل يناسبها " رُب صُدفة خير من ألف ميعاد " ...

هو أي نعم قالي ما تفكرش في الخطوبة غير وانت عندك 27 سنة وده اللي زعلني منه 😂💔 بس ده ما يمنعش إني حبيته جداً وإنه من أفضل الشخصيات الجميلة جدا اللي قابلتها في حياتي كلها ( إن مكانش افضلهم ) بتواضعه الكبير واحترامه

مقتطفات فضالى الرجل الذى استقبل اسرته فى المطار

واحد بيحكى إنه اثناء انتظار صاحبه فى المطار لفته منظر راجل بيستقبل أسرته بحب وبود رهيب ’ وبيسلم على كل واحد بحرارة شديدة وبيطمن على حاله وبيقوله إنه بيحبه ’ وزوجته كانت اخر حد يسلم عليه فقالها جملة لطيفة " لقد أدخرت الأفضل للنهاية " وفضل ماسك ايديها وباصص فى عنيها فى مشهد خلص كل كلام الحب ومشاهد الرومانسية من صدقه ’ لدرجة أن انا بحسبهم عرسان جدًا ’  فالفضول خدنى وسألت الراجل بقالكم قد ايه متجوزين ؟ فقالى من 14 سنة فاستغربت وقولتله ووبقالهم قد ايه بعيد عنك ولادك وزوجتك فقالي من يومين بس ’ قولتله يومين بس ومشتاقلهم للدرجة اللى انا شوفتها دى ’ اتمنى أن جوازى يستنى بنفس العاطفة والشوق ده بعد 14 سنة ’ فلقيت الراجل راح مكشر وقالي " لا تتمنى أو تأمل بل أتخذ قرار "
كل حاجة فى حياتنا مبنية على قرار " السعادة قرار ’ الحب قرار ’ والنجاح قرار ’ انت اللى بأيدك بتهدم حياتك وبتحولها لشىء روتينى وانت اللى بإيدك تحولها لمغامرة مدهشة ’  كل شىء مبنى على إختيارك ’ وانت بس اللى بتحدد مستقبلك :))
##فضالى

مقتطفات فضالى | تزوجت ولا تعرف شىء عن الطهى

فى بنت اتجوزت وكانت مبتعرفش تطبخ وحالتها زفت ياعينى ’ وحظها وقع فى واحد بيطبخ كويس جدًا ’ بتقول لما اتجوزت بقت تخترع إختراعات السنين فى الاكل -- لكن جوزها كان محرتم وكان أى أكلة يقولها تسلم ايدك -- الله ينور وهكذا -- وهى تقوله الله ينور ايه بس ’ أنا مش عارفة أنت مستحمل الاكل ده أزاى 😃😄 يقولها لا والله ده جميل هو بس الرز كانت المياه بتاعته زيادة شوية ولو قللتيها هيبقى تحفة -- والملح لو زودتيه فى الشوربة هتتظبط خالص وهكذا بقى --
وفى يوم كان عندنا عزومة ولأنى لسه زفت خاالص فى الطبخ -- دخل معايا وهو اللى طبخ الأكل كله ’ واحنا قاعدين على الترابيزة ناكل بقى يقولى تسلم ايدك ’ هو ده الأكل ولا بلاش !! وماما تبصلى وتبتسم لأنها عارفة إنى مبعرفش اطبخ !! لما لمينا الاكل ماما دخلت ورايا المطبخ وحضنتنى جامد وقالتلى مبروك عليك راجل !!
النبى صلى الله عليه وسلم قال " حُرم على النار كل هين لين سهل قريب من الناس " وقال " خيركم خيركم لاهله وانا خيركم لاهلى "
وكمان كان يدخل البيت فميلاقيش أكل كان يقول " إنى صائم "
البساطة دايما بتدى للحياة معنى مختلف ’ والشاطر اللى يعرف فى الحياة يعيش بمعنى التغافل فتلاقيه فى عز ما بيتخانق يضحك ’ وفى وقت ما هو محتاج يدى ’ بيفكر فى النتيجة قبل المقدمة ’ وبيقدر إن بكلمة او فعل ممكن الحياة تستقيم أكتر من إنها تميل -- لذلك قال أحدهم
ليخسأ الزواج إن كان قيداً قاتلاً ولم يكن صداقة ممتعة. :))
جميل هذا الرجل الذى يُشعر المرأة أنها ليست بخادمته -- ولكنها ابنته الذى يجعلها فى بيته تخطوا اول خطوات حياتها دون أن تنكسر ’ فتشعر أنها لما غادرت بيت أبيها لم ينقصها شىء بل تزودت بجميل كل شىء :))
#البساطة
#إعادة_نشر
##فضالى

مقتطفات فضالى | ضرب والدته ورمى عليها الطلاق

مرة كنت عند واحد من صحابى فى الكلية بذاكر معاه فى البيت لقينا صوت صريخ ..خرجنا لقيت والده بيضرب فى والداته وبيرمى عليها يمين الطلاق .. مش هحكى عن اللى حصل بعد كده لإنه كان شىء سىء .. لما نزلت من عندهم اتمشيت شوية على البحر وانا بحاول أقهم إحنا ليه عندنا مشكلة كبيرة فى نهاية العلاقات !!
إزاى اتنين كانوا فى يوم الايام مخطوبين واتجوزا وبينهم لحظات حلوة وولاد يوصل بيهم العنف  إنهم يشوهوا الصور  القديمة دى اللى كانت مالية ضحكتهم !! وبسهولة جدًا يهدموا العلاقة  من غير اى رحمة وبكل عنف وشراسة !!
السيدة أم سلمة  كانت قبل زواجها من النبى صلى الله عليه وسلم متزوجة من أبى سلمة وكانت بــ تحبه جدًا ولما مات قالت " ومن خير من أبى سلمة ؟؟ !!
لفظة عجيبة نادر لما تلاقيها فى علاقة بتجمع اتنين دلوقت وحصل بينهم انفصال
كتير اوى من الستات بتستنى موت ازواجها وخلاصها منهم  !! وبدل فكرة " ولا تنسو الفضل بينكم " هى اللى تسيطر على علاقاتنا ولو حصل نهاية تكون " او تسريحٌ بإحسان " بقت الشراسة والعنف والألم هو عنوان النهايات !!
أم سلمة قالت لأبى سلمة أنه بلغنى " أنه ما يموت رجل وهو من أهل الجنة ’ فلم تتزوج زوجته من بعده إلا جمع الله بينهما فى الجنة "  فــ هلم فلنتعاهد ألا تتزوج بعدى وألا أتزوج بعدك !! لكن أبو سلمة عشان مُحب لزوجته وبيتمنى ليها الخير  قالها  " هل تطيعيننى ؟؟ قالتله نعم !! فقال لها فاذا مِتُ فتزوجى !! ثم قال اللهم زَوّج أم سلمة رجلًا خير منى لا يحزنها ولا يؤذيها " فلما مات تزوجها النبى صلى الله عليه وسلم
مين فينا لما علاقة بتنتهى بيدعى للاخر ببداية تانية اجمل من غير تقطيع وتشويه !
دريد بن الصمة بيقول " وإنما المرء حديث بعده -فكن حديثًا حسنا لمن وعى " 
ليه متبقاش بدايتنا نفس نهايتنا حتى ولو افترقنا نقفل الباب بإستئذان وادب ومنقفلهوش بالقوة فى وش بعض !! محتاجين بدل ما نسيب جوه الروح شرخ يموت فيها بالبطىء بعد نهاية كل علاقة .. لايد تترفع فى السما وتفتكرنا بدعوة حلوة ’  محتاجين ناس تفهم " ولا تنسوا الفضل بينكم "
##فضالى

مقتطفات فضالى | اغلى متاع الرجل قلب امرأة تحبه

اتجوزته ومكنتش طايقاه خالص لانها كانت مرغمة عليه ’ خاصة بعد خيبة الأمل الكبيرة اللى خدتها من خطيبها الأولانى .. كان كل ما يدخل البيت يلاقيها ضاربة بوز وتعمل نفسها تعبانة عشان تهرب منه ’ طلب منها يعرف أسباب زعلها وهل هو مقصر فى شىء وكانت الإجابة لا ’ حاول كتير معاها لكنها كانت عنيدة ..’ والداته فى يوم جاتله زيارة البيت وأثناء زوجته ما كانت بتحضرلها واجب الضيافة " سألته يابنى مالك مش مبسوط ليه هى مراتك مزعلاك فى حاجة ؟ ابتسم وقالها " مراتى دى أحسن ست فى الدنيا ده أنا ربنا رزقنى بيها ياأمى والله ببركة دعاكى ليا .. ياه لو كل الستات تشبهها كده فى ضحكتها معايا وطاعتها ليا ورغبتها فى إنى أبقى مبسوط .. بجد إحنا إخترنا يأمى بنت ناس تتشال فى القلب !! كل الحكاية شوية ضغط فى الشغل وهى بتحاول تخفف عنى وبتساعدنى فيها ’ وفى اللحظات دى كانت زوجته بتسمع كلامه وهى عنيها غرقانة بالدموع ’ وبتقول أنا كنت حاطة ستارة على عينى مش شايفة بيها غير الكآبة والكره ’ وفى لحظة فهمت إزاى إن ربنا أكرمنى وعوضنى بالخير كله فى راجل حنين لو قعدت اديلوا عمرى مش هوفيه حقه !! ومن ساعتها وأنا بستناه باللحظة والدقيقة وبحاول اخلى حياته كلها ضحكة وسعادة ..
أحدهم قال " قد يعني ‫الزواج‬ ميلاد روح أو أرواح , إمّا أن تُباركهُ بإبتسامة أو أن تلعنهُ ليوم القيامة "
سنة 1141 فى مدينة اسمها " وينزبيرج " فى المانيا كانت مليانة بالدهب والكنوز الكتيرة ’ حاصرها جيش كبير وكان هدفه إنه يستولى على المدينة والكنوز اللى فيها ويقتل كل رجالها ’ وامام الجيش الضخم استسلم أهل المدينة ’ فوضع قائد جيش العدو شرط إن نساء واطفال المدينة يخرجوا بسلام ’ لكن الرجال سنقوم بقتلهم ’ فرفض نساء المدينة الخروج إلا بشرط إنهم يشيلوا شوية من كنوز المدينة وهما خارجين ’ فوافق قائد الجيش لأن النساء كانوا  أضعف من إنهم يحملوا كل الكنوز وهما خارجين  !!
لما اتفتحت ابواب القلعة عشان النساء تخرج اندهش قواد الجيش لما لقوا النساء خارجين وكل واحدة تحمل زوجها فى ذراعها  وهنا قالوا جملة شهيرة
" لقد كانت نساء وينزبيرج تعرفن جيدًا الثروة الحقيقة التى بداخل مدينتهم "
قالوا قديمًا " اغلى متاع الرجل فى هذا العالم هو قلب إمرأة تحبه "
##فضالي